लोकशक्ती न्यूज नितीन ठाकूर
जळगांव :- महिला बचत गटांसह इतर उद्योजक व व्यावसायिकांना प्रोत्साहीत करण्यासाठी तसेच खान्देशच्या स्थानिक कला, संस्कृती, परंपरा आणि या भूमीला लाभलेल्या इतर प्रकारच्या कलागुणांना प्रोत्साहन मिळावे यासाठी एक खात्रीशीर व्यासपीठ उपलब्ध करून देण्याच्या उद्देशाने , जळगाव महापालिकेतर्फे ३ ते ७ जानेवारी २०२५ या कालावधीत ” खान्देश महोत्सव – २०२५ ” चे आयोजन करण्यात आले आहे.३ जानेवारी रोजी सायं. ६.०० वा. सदर महोत्सवाचे उदघाटन केंद्रीय राज्यमंत्री , क्रीडा व युवक कल्याण विभाग , श्रीमती रक्षाताई खडसे यांच्या शुभहस्ते होणार असून , महाराष्ट्र राज्याचे जलसंपदा आपत्ती व्यवस्थापन मंत्री मा. ना. श्री. गिरीशभाऊ महाजन , पाणीपुरवठा व स्वच्छता मंत्री मा. ना.श्री. गुलाबभाऊ पाटील , वस्त्रोद्योग मंत्री.मा.ना. श्री. संजय सावकारे ,खासदार मा. श्रीमती स्मिताताई वाघ , मा. आमदार श्री. राजूमामा भोळे , जळगावचे जिल्हाधिकारी मा. श्री. आयुष प्रसाद , पोलीस अधीक्षक मा. श्री.माहेश्वर रेड्डी इत्यादी मान्यवर प्रमुख अतिथी म्हणून उपस्थित राहणार आहेत . या प्रसंगी सुप्रसिद्ध नाट्य आणि चित्रपट अभिनेत्री ऋतुजा शिंदे यांची सिलेब्रेटी म्हणून विशेष उपस्थिती असणार आहे.
बॅरिस्टर निकम चौक , सागर पार्क याठिकाणी स.१०.०० ते रात्री १०.०० या वेळेत होणाऱ्या या महोत्सवात , महिला बचत गटांच्या उत्पादनांपासून ते नामांकित ब्रँड्सच्या उत्पादनांपर्यंतचे स्टॉल्स असतील , आगामी गुलाबी थंडीच्या दृष्टीने विंटर झोन , फॅशन झोन , पर्यावरणपूरक लाईफ स्टाईलसाठी ‘माझी वसुंधरा ‘ विभाग असे विविध रंजक विभाग असतील , बच्चे कंपनीला मज्जा करण्यासाठी आकर्षक किड्स झोन, आणि खवय्यांसाठी विविध पदार्थांची खाद्यजत्राही भरणार आहे. एकंदरीत बालगोपाळांपासून ते वयोवृद्धांपर्यंत सर्वांसाठीच्या असंख्य बाबींची या महोत्सवात रेलचेल असणार आहे. इतरांना प्रेरणा देण्यासाठी , अनेकांच्या प्रगतीला हातभार लावण्यासाठी , सामाजिक दायित्वाच्या संवेदनेतून यात सहभागी व्हावे , सहकुटुंब -सहपरिवार खान्देश महोत्सवाला भेट द्यावी , भरपूर आनंद घ्यावा असे आवाहन , जळगाव शहर महानगरपालिकेचे आयुक्त तथा प्रशासक श्री. ज्ञानेश्वर ढेरे व अधिकारी — कर्मचारी वृंदाच्या वतीने करण्यात आले आहे.
