लोकशक्ती न्यूज नितीन ठाकूर
राज्याच्या विधानसभा निवडणुकीची धामधूम पार पडल्यानंतर सर्व लोकप्रतिनिधी आप आपल्या कामाला लागले आहेत. विरोधक तर परत पुढच्या ५ वर्षासाठी गायब झाले आहेत त्यामुळे जनता सुज्ञ आहे जे झाले ते योग्यच अशी चर्चा जळगांव ग्रामीणमध्ये होतांना दिसत आहे शिवाय आम्हाला कुणाची गरज नाही आमच्यासाठी आमदार, मंत्री, आणि सर्व म्हणजेच प्रतापराव आहेत अशी भावना सर्व सामान्यांच्या मनात दिसून येत आहे
जिल्हा परिषदेचे माजी सदस्य प्रतापराव पाटील यांनी निकालाच्या दुसऱ्या दिवसापासूनच लग्नकार्य, अंत्यविधी, द्वारदर्शन आदींच्या माध्यमातून मतदारसंघात पूर्वीप्रमाणे गाठीभेटी सुरू केल्या आहेत.
राजकारणात लोकसंपर्काला सर्वाधिक महत्त्व असते. यात लग्नकार्य, वास्तुशांती, अंत्यविधीपासून अन्य कार्यक्रमांना लोकप्रतिनिधींना हजेरी लावे लागते. नुकत्याच पार पडलेल्या विधानसभा निवडणुकीत मतदारांशी संपर्क ठेवणाऱ्या उमेदवारांच्या पारड्यात भरभरून मते पडली, असा काहीसा अनुभव सर्व दिसून आला. जळगाव ग्रामीण विधानसभा मतदारसंघात शिवसेनेचे नेते तथा जिल्ह्याचे पालकमंत्री ना. गुलाबराव पाटील यांचा दांडगा जनसंपर्क आहे. त्यांच्याच पावलावर पाऊल ठेवत त्यांचे जेष्ठ चिरंजीव तथा जिल्हा परिषदेचे माजी सदस्य प्रतापराव पाटील यांनीही लोकांच्या सुखदुःखात सहभागी होत जनसंपर्क वाढवून स्वतःची वेगळी अशी प्रतिमा निर्माण केली आहे.
विधानसभेचा निकाल लागल्यानंतर दुसऱ्या दिवसापासून त्यांनी जळगाव ग्रामीण विधानसभा मतदारसंघात अनेक गावांमध्ये द्वारदर्शनपर भेट देऊन संबंधित कुटुंबीयांची आस्थेवाईक प्रमाणे चौकशी केली. निवडणूक पार पडल्यानंतर देखील त्यांच्या या जनसंपर्काच्या गाठीभेटी या संपूर्ण मतदारसंघात कौतुकाचा विषय ठरत आहे.
प्रतापराव पाटील काय म्हणाले ,
केवळ निवडणुकीच्या काळातच आमचा जनसंपर्क नसतो तर वर्षातले 365 दिवस मंत्री महोदयाप्रमाणे आम्ही सर्वजण सर्वसामान्यांच्या सुखदुःखात सहभागी होत असतो. पूर्ण मतदारसंघ आमच्यासाठी एका कुटुंबाप्रमाणे आहे. यामुळे त्यांच्या घरी आनंद उत्सव असेल तर त्यात आम्ही देखील सहभागी होतो व त्यांच्या घरात काही दुःखद घटना घडली तर त्यातही त्यांच्या दुःखातही आम्ही एका कुटुंबीयांप्रमाणे सहभागी होतो, मतदार संघातील लोक आपल्याकडे आपला नेता म्हणून पाहतात आणि मोठ्या अपेक्षेने येतात त्यामुळे त्यांच्या समस्या सोडवणे हे सर्वात महत्त्वाचे आहे यात वेगळे असे काहीच नसल्याचे त्यांनी नमूद केले. आणि येणाऱ्या काळामध्ये स्थानिक स्वराज्य संस्थेच्या निवडणुका आहेत त्यामध्ये सुद्धा याचा आम्हाला फायदा होईल हे नक्कीच
