लोकशक्ती न्यूज नितीन ठाकूर
जळगाव- जळगाव शहरातून जाणाऱ्या महामार्गावर अलीकडेच एका बालकाचा मृत्यू झाला असतांनाच पुन्हा एकदा खोटेनगर जवळ ट्रॅक्टरने दिलेल्या धडकेत दुचाकीस्वार ठार झाल्यामुळे खळबळ उडाली आहे.
या बाबत सविस्तर वृत्त असे की, पंकज शालीग्राम शर्मा हे विद्यापीठातील मेस चालवणारे व्यावसायिक प्रेम नगरात राहत होते. काल रात्री आठच्या सुमारास ते विद्यापीठातून आपल्या घरी दुचाकीवरून घरी निघाले होते. यातच भरधाव वेगाने धावणाऱ्या ट्रॅक्टरने त्यांच्या दुचाकीला जोरदार धडक दिली. यात त्यांचा जागीच मृत्यू झाला.
विशेष म्हणजेच अपघात झाल्यावर येथूनच जिल्हा परिषदेचे सीईओ अंकित हे तेथून जात होते. त्यांनी तात्काळ पंकज शर्मा यांना रूग्णालयात दाखल केले. तथापि, याआधीच त्यांची प्राणज्योत मालवली होती.
